NAGA CITY- Dead on the spot an duwang motorista mantang lugadan naman an duwang backrider kaini sa salpukan kan duwang motorsiklo sa kalabaan kan tinampo sa Brgy. 7, Banahaw, Labo, Camarines Norte.
Binisto an nagadan na sinda Edmar Sereno, 28 anyos drayber kan nasambitan na motorsiklo asin si Enrico Oning, 48 anyos mantang padagos na binubulong an duwang backrider.
Sa entrevista kan Bombo Radyo Naga ki PSupt Ricky Camisola, Chief of Police kan Labo-PNP, sinaysay kainui na parehong marikas an pagpapadalagan kan duwang lunadan kan biglang maghead on collision pag-abot sa nasambitan na lugar.
Katakod kaini, nagsapo nin labing danyos an duwang driver na tulos na nagadan mantang tulos na idinalagan sa ospital an duwang backriders kan mga ini.
Sa inisyal na imbestigasyon kan mga otoridad napag aramang yaon sa irarum kan impluwensya kan arak an driver nasambitan na mga motorsiklo kan mangyari an aksidente.
Sa ngunyan, nagpapadagos an imbestigasyon kan mga otoridad katakod kan nasambitan na insidente.
