Arestado an duwang indibidwal makalihis an matrayumpong buybust operation kan mga otoridad ngunian an aldaw Agosto 23,2026 sa Barangay Triangulo, Naga City.
Sa pagtatarabangan kan Police Station 5 bilang lead unit, katuwang an RPDEU 5, CIU/CPDEU, NCPO, asin sa koordinasyon kan PDEA ROV, nagresulta ini sa pagkakaarestar sa sarong 42 anyos na lalaki, mayong trabaho asin residente kan Barangay Bagumbayan Grande, Goa, Camarines Sur ; asin sarong 38 anyos na babae, self-employed asin residente man kan Spring Homes Subdivision, Barangay Bucal, Calamba, Laguna.
Kumpiskado sa mga suspek an tolong (3) heat-sealed transparent plastic sachets na pinagtutubudan na shabu, asin kinakarkulong igwa nin gabat na poco mas o menos 5 gramos asin nagkakantidad nin ₱34,000.00.
Mientrastanto, kan isinagibo an beripikasyon sa e-Warrant System, mayo man nin nakabinbin na Warrant of Arrest laban sa duwang suspek.
Base man sa beripikasyon sa CIRAS, may nairehistrong dating kaso an lalaki sa kaparehas na pagbalgar kan taong 2019.
Sa ngunyan, nasa kustodiya kan Police Station 5 an duwang suspetsado para sa magkakanigong disposisyon.
