NAGA CITY- Nagpaparahay pa ngunian an duwang motorista makalihis na makabangga sa sarong jeep sa Sipocot, Camarines Sur.
Binisto an mga iridong motorista na sinda Sonny Boy Artiaga asin an backrider kaini na si Merry Chris Azul, 18-anyos.
Binabagtas suboot kan motorsiklo na minamaneho ni Artiaga an tinampo sa barangay Calagbangan kan kakanon kaini an linya kan kasabatang jeep na minamaneho man ni George Del Mundo, 56-anyos.
Sa kusog kan nangyaring banggaan, nagsapo nin lugad sa saindang lawas an duwang lunad kan motorsiklo asin tulos man na pigdalagan sa ospital.
Sa ngunian, iniimbestigaran pa kan mga kapulisan an nasambitang pangyayari.
