2 Menor de eda d arestado makalihis na maaktuhan na imbwelto sa illegal gambling sa Lucena

NAGA CITY– Arestado an duwang menor de edad makalihis na maaktuhang iligal na nagsusugal sa Market Avenue, Barangay Market View, Lucena City.

Sa nakuang impormasyon kan Bombo Radyo Naga napag-araman na nagkokondusir nin anti-illegal gambling operation an kapulisan sa nasambitan nang lugar kun saen naabutan kan mga ini an duwang menor de edad na nagkokolekta nin taya.

Narekober sa lugar an PCSO Lottery collection asin an kwarta na ginamit komo taya.

Sa ngunyan nagtitinir sa kustodiya kan mga otoridad an mga suspek para sa maninigong disposisyon mantang nakatalaan naman ining iturn over Department of Social Welfare and Development (DSWD).