Nangapodan si Senador Panfilo “Ping” Lacson sa Department of Trade and Industry (DTI) asin Construction Industry Authority of the Philippines (CIAP)na imbestigaran asin magsunad nin mga kaukulang kasong kriminal asin administratibo kontra sa duwang miyembro kan hilippine Contractors Accreditation Board (PCAB) huli sa lantad na conflict on interest.
Sigun ki Lacson, sinda Engr. Erni Baggao asin Arthur Escalante, sabay na nakatukaw komo PCAB board directors mantang igwang pagsasadiri kan saindng kaniya-kaniyang construction companies na nagkukua nin kontrata gikan sa Department of Public Works and Highways (DPWH).
Liwat na itinalaga si Baggao para sa tolong taong termino komo miyembro kan PCAB board kan nakalihis na Setyembre 2023, mantang nagtitinir man komo authorized managing officer kan EGB Construction, sarong kontratista para sa mga proyektong gobyerno.
Mientrastanto, si Escalante man, mantang nakatukaw komo direktor kan PCAB, ini man an may kansadiri kan A.N. Escalante Construction Inc.
Pigpapahiling man soboot kan mga record na si Escalante, nagsurat asin nagpirma nin sarong mensahe sa PCAB 2022 annual report saro sa mga board members kan ahensiya — mantang nagpirma man ini nin kontrata sa DPWH kan nakalihis na May 20, 2022 sa ngaran kan A.N. Escalante Construction Inc., sarong kumpanyang nakabase sa Davao City.
Hurot kaini, malinaw ining pagbalgar sa Republic Act 6713 o Code of Conduct and Ethical Standards for Public Officials, na nagbabawal sa mga opisyal kan gobyerno na magkaigwa nin negosyo sa direktibang nakikinabang sa saindang pwesto.
Dugang ni Lacson, taliwas sa pagsayuma kan PCAB na dapat nindang surion an mga alegasyon kan katiwalian asin ipaliwang kun pano nakakakua nin accreditation an nagkapirang kontratista karibay soboot kan milyon-milyong piso.
