NAGA CITY- Nilinaw ngunyan kan Criminal Investigation and Detection Group (CIDG)-Camarines Sur na mayo sindang impormasyon na ang saindang mga nadakop na indibidwal sa banwaan nin Del Gallego an mga suspek sa panggagadan ki General Tinio, Nueva Ecija Mayor Ferdinand Bote.
Sa entrevista kan Bombo Radyo Naga kay PC/Insp. Ronie Fabia, CIDG-CamSur Chief, sinaysay kaini na mayo sindang ideya kun an nasambitan ng mga suspek na sinda Florencio Suarez, 48-anyos asin Robert Gumacay, 35-anyos an totoong nasa likod kan pag-gadan sa alkalde.
Segun ki Fabia, nakatutok suboot sinda sa kaso laban sa duwa makalihis marekober sa mga ini an manlaen-laeng klase nin badil, bala, asin pampasabog alagad mayo suboot ining koneksiyon sa kaso kan panggagadan sa alkalde.
Sa ngunyan, kun an kaso sa panggagadan sa alkalde an pag-oolayan, an PRO3 na suboot an may hurisdiksiyon sa nasabing orolay.
Alagad pigsierto man ni Fabia na sa kustodiya ninda matinir an mga suspek makalihis madakop sa laog kan saindang area of responsibility.
