NAGA CITY- Sugatan ang dalawang pasahero kabilang ang menor de edad matapos masagi ng isang owner jeep ang sinasakyang tricycle sa Barangay Dagatan, Dolores, Quezon.
Kinilala ang mga biktima na sina Rosemarie Hon, 53-anyos at isang menor de edad, residente ng nasabing bayan.
Sa nakalap na impormasyon ng Bombo Radyo Naga sa Quezon Police Provincial Office, nabatid na aksidenteng nasagi ng owner jeep ni Tirso Alimaro, 51-anyos ang tricyle na minamaneho naman ni Ernesto Capulong Jr. 60-anyos, nang akma itong mag-overtake sa isa pang sasakyan.
Dahil dito, nagtamo ng mga sugat sa kanilang katawan ang mga biktima na kaagad naman na dinala sa ospital para sa atensiyong medikal.
Patuloy pa ang imbestigasyon sa insidente.
