Nakatalaan na maghali ngunyan na aldaw pasiring Harbin, China an 20 atleta kan nasyon na masabak sa 9th Asian Winter Games.
Ikukundisir an opening ceremony sa aldaw nin Biyernes sa Harbin International Convention Exhibition and Sports Center asin man matapos ini nin hasta sa Pebrereo 14. Nagtutubod si Philippine Olympic Committee president Abraham “Bambol” Tolentino, na kayang makipagsabayan an atleta kan Pilipinas.
Apwera kaya sa kaya nindang makakua nin medalya, masirbi man ining exposure asin eksperyensya tangani na magkaigwa nin pangaran an nasyon sa Winter Olympics.
An nasambitan ng numero na 20-atleta iyong pinakadakulang delegasyon na kan nasyon sa nasabing torneo.
Pangengenutan ini ninda Francis Ceccarelli atTallulah Proulx para sa slalom kan Alpine Skiing; Laetaz Amihan Rabe sa free ski slopestyle, big air asin man halfpipe kan snowboarding. Short-track speed skater Peter Gorseclose; kabali man sinda Isabella Gamez asin Alexander Korovin kan figure skaters paer; asin mga figure skaters na sinda Sofia Frank, Paolo Borromeo, Cathryn Limketkai.
Pigbibilog man kan men’s curling team ninda Benjo Delarmente, Alan Frei, Christian Haller, Enrico Pfister asin Marc Pfister.
Mantang sa womens’ curling team an sinda Anne Bonache, Kathleen Dubberstein, Leilani Dubberstein, Sheila Mariano asin Jessica Pfister.
Mientrastanto, dae man makakaiba si Pinoyo snowboarder Adrian Lee Tongko makalihis na magsapo nin knee injury mantang ini nagsairarom sa training sa Hakuba, Japan.
