Sakop kan 2025 national badyet an kamawotan ni Presidente Ferdinand R. Marcos Jr. asin kan Kongreso na mapamarhay an buhay kan mga Pilipino.
Ini an pigtawan duon ni House Speaker Ferdinand Martin Romualdez. Segon sa lider kan Kamara maikokosiderar na “significant milestone” an pagtinta ni Presidente Marcos 2025 General Appropriations Act.
Nagpasalamat si Speaker Romualdez ki Presidente Marcos sa pamamayo kaini asin sa saiyang mga kairiba sa Kongreso na mayo nin kapagalan na nagtrabaho tangani na matapos an badyet.
Dugang pa ni Romualdez an napapanahon na pagtinta ni Presidente Marcos sa GAA, nag aasegurar na dae maapektaran an operasyon kan gobyerno sa pagsimbag sa mga pangangaipuhan kan nasyon.
Pig orgulyo man ni Speaker Romualdez an pakikisumaro asin kontribusyon kan Kamara sa paghubog sa badyet na na obhetong simbagan an pangangaipuhan kan mga Pilipino.
