Mahigot ngunyan na pigbabantayan kan gobyerno an pigreport na posibleng pagtogdok nin bagong estraktura kan China sa Bajo de Masinloc, na bisto man sa apod na Scarborough Shoal.
Segun ki Teodoro, dawa diit sana an nahiling na development sa pigtutubudang China Structure, kaipuhan na mahigot na i-monitor ini.
An Bajo de Masinloc namomogtak sa 124 nautical miles gikan sa Masinloc, Zambales, na mas harani sa teritoryo kan Filipinas na nasa laog kan hurisdiksyon nin 200 nautical miles kan Exclusive Economic Zone (EEZ) mantang ini 472 nautical miles an rayo sa Hainan, China.
Marurumduman na an nasabing teritoryo kontrolado na kan China poon pa kan 2012 makalihis an standoff sa Philippine Navy.
Kan 2016, an sarong desisyon kan Arbitral na ipinaluwas sa The Hague nagpabor sa Pilipinas sa pag-angkin kaini sa WPS, na dai inako kan China.
