NAGA CITY- Nagin matryumpo an pigkundusir na 2025 Inter-Ateneo Football Friendlies kan nakalihis na Pebrero 22, 2025.
Sa entrevista kan Bombo Radyo Naga ki Joel Bartolome, pamayo kan Organizing Committee, Ateneo De Naga University Batch 88, sinaysay kaini na labing naogma an mga nagpartisipar na campus nin huli ta nagin magayon asin marhay an execution kan Ateneo de Naga na iyo man an host kan aktibidad.
Marurumduman, an nasambitan ng Inter-Ateneo Football Friendlies an annual football festival na pigkukunsudir kan nasambitan ng eskwelahan.
Obheto kaini na ipahiling an talento kan mga participating team sa ladangan kan football siringman maipahiling an saindang sportmanship asin pagkakasararo.
Sigun ki Bartolome an aktibidad an pinagpartisiparan kan Ateneo de Manila; Ateneo de Naga; Ateneo de Cagayan; Ateneo de Davao asin Ateneo de Zamboanga.
Katakod digde, pigmirar na champion an Ateneo de Zamboanga mantang nasungkit man kan Ateneo de Naga University an 2nd runner up.
Mientrastanto, pinasalamat man ni Bartolome an tabang kan lokal na gobierno kan siyudad nin Naga para sa matrayumpong pagkundusir kan aktibidad.
Sa ngunyan, nag-abot na sana nin dakulang kaogmahan an opisyal sa gabos na mga nagtarabang tanganing magin marhay asin matuninong an nasambitan ng event.
