Natamaan kan sarong air strike an sarong eskwelahan sa Zeitoun area sa laog kan Gaza na iyong naggadan sa buhay kan 22 na indibidwal kan Sabado. Basado sa imbestigasyon kan Gaza Health Ministry, nakapagrehistro man nin haros 30 na indibidwal na nakulgan sa insidente.
Kadaklan sa nagin casualties an mga aki asin kababayihan.
Enot na digdi, pinahimutikan kan Israel na pigtuyo nindang pasabugon an nasambitan ng eskwelahan.
Duon kaini, an mawot nindang tamaan an command and control center kan Hamas na iyo soboot nasa laog kan sarong dai tukoy na eskwelahan.
Sa parehong aldaw man naganunsyar an health ministry kan Gaza na lima sa saindang mga empleyado an gindan asin lima man an lugadan huli soboot sa sunod na pakana kan Israel na nagtumtom sa mga warehouse sa Sur na parte kan Musbah area.
Mientrastanto, padagos man an iwal kan duwang mga nasyon na iyong nagkawsa kan karumaldumal na mga numero kan mga binawian nin buhay kabali na an mga aki, senior citizens asin kababayehan.
An mga nagin pag-atake man kan Israel an taliwas sa sainang promesa na lilimitaran an mga magigin biktimang aki.
Sinaysay man kan saindang militar na dae ninda tatamaan nin air strike an mga ospital asin eskwelahan.
