Gadan an 24 katao makalihis an pagsabog kan fuel tanker sa Haiti.
Sigun ki Haitian Prime Minister Garry Coville na kadakol man an nagsapo nin lugad sa manlaen-laen na parte kan saindang lawas huli sa insidente.
Kadaklan sa mga biktima na pigdalagan sa mga ospital an nasulo an 80 porsyento kan saindang lawas.
Nangyari an insidente sa Miragoane kun saen aksidenteng nabangga kan fuel tanker an sarong behikulo.
Pigsierto man kan Prime Minister na saiyang gigibuhon an makakaya tanganing maabutan nin tabang an mga biktima.
Bako sana ini an premirong insidente kan pagsabog nin fuel tanker nin huli ta kan 2021, nasa 60 katawo an binawian nin buhay sa kaparehas na insidente.
