Inihayag kan Department of Agriculture (DA) na an compliance rate sa maximum suggested retail price (MSRP) para sa urig sa wet markets sa National Capital Region (NCR) ay naglangkaw sa duwang semana makalihis na ipataw an price control measure.
Sigun ki DA spokesperson Assistant Secretary Arnel de Mesa, nagpuon sinda kan nakalihis na Marso 10, nasa 6% an level of compliance. Sa huring datos, nasa 25%.
An MSRP sa urig, pigtalaan sa P380 per kilo para sa liempo asin man P250 per kilo para sa kasim asin pigue, nagin epektibo kan nakalihis na Marso 10.
Siringman, an mga urig na mababakal sa supermarkets asin man hypermarkets an exempted gikan sa MSRP huli man sa mas halangkaw na operating costs.
An MSRP an ipinataw komo kasimbagan sa mga huma na pigkaatubang kan pork industry partikularmente na an epekto kan African Swine Fever (ASF). Dugang pa ni De Mesa, an prevailing prices am padikit-dikit man na nagbababa.
An kasim, an prevailing price ay nasa P360, alagad may nahihiling pa man nin P420 sa nagkapirang tindahan.
Magkakaigwa man soboot nin investigation tangani mahiling kun sisay an nag aabuso sa presyuhan. Gagamiton kan DA an mga pwedeng gibuhon na pigtalaan na ley.
Pinag-iisipan man kan DA na ipautob an “Pork-For-All” program sa Kadiwa outlets asin sa pirang merkado kun saen direktang mababakal an urig gikan man sa importers asin traders na mapabakal nin mas hababang presyo, siring na sana kan pig pautob na “Rice-For-All” program. An ASF outbreak an nagin rason kan pagkagadan kan milyong urig asin man nagin huma sa kabuhayan kan mga paraoma.
Marurumdumang August 2024, pigpuonan kan DA -Bureau of Animal Industry an paglilitis para sa ASF vaccine tangani labanan an pagkuriyat nin animal disease.
