Nagtao nin kasiguraduhan an 26 na mga nasyon na mapakuriyat nin mga suldados sa Ukraine kun nagkaigwa na nin cesefire deal sa pag-ultanan ninda kan Russia.
Ini an nagin kasimbagan kan mga European countries na nag atendir sa “Coalition of the Willing” summit sa France.
Susog ki French President Emmanuel Macron, na tulos sindang mapadara nin mga puwersa tangani dae utruhon pa kan Russia an ginibo kaining pag-atake na nagpuon kan nakalihis na taong 2022.
Nakaulay man kaini si US President Donald Trump kun saen andam man soboot na magpadara nin mga suldados an US.
Pig inkaminar man ni Trump an mga European Union na dapat dae na sinda magbakal nin mga krudo gikan sa Russia.
Marurumdumang nagkaigwa nin personal na pag-uulay sinda Trump asin man Russian President Vladimir Putin siring man ki Ukraine President Volodymyr Zelensky tangani ibusol an pagtatapos na kan giyera kan duwang nasyon.
