NAGA CITY– Maswerteng narescue an sarong umboy makalihis bayaan sa tahaw kan sementeryo sa Barangay Masin Norte, Candelaria Quezon.
Sa nakuang impormamsyon kan Bombo Radyo Naga gikan sa Candelaria-PNP, napag-araman na nagpaabot sa sainda nin impormasyon si Barangay Captain Nelson Punzalan, makalihismadukayan an sarong buhay na umboy sa nasambitan ng sementeryo.
Sigon sa Kapitan, saro soboot sa mga residente kan nasambitan ng Barangay an nakadangog kan naghihibing
aki sa laog kan sementeryo kung kaya tulos man ining hinanap.
Hasta sa mahiling an kinakarkulong nasa duwang bulan pa sanang umboy na nakahigda sa pagultanan kan duwang
pantyon.
Katakod kaini tulos man naitinurn over sa Candelaria Rural Health Unit an aki para sa medical check-up.
Sa ngunian, nagpapadagos pa an pigigibong paghahanap kan mga otoridad sa mga magurang kan nasambitan ng umboy para sa maninigong disposisyon.
