Nakapagrehistro nin 3 beses na pagbuga kan abo an bulkang Kanlaon sa nakalihis na 24 oras. Basado sa monitoring kan Philippine Institute of Volcanology and Seismology (PHIVOLCS), naghaloy an ash emissions gikan sa bulkan kan 9 hasta sa 23 minuto.
Nagbuga man ini nin maabot sa 4,023 tonelada kan asupre sa laog nin sarong aldaw kan Dominggo, Enero 19. Naobserbaran man an 150 metrong langkaw nin plume, gikan sa katamtaman, mayong untok na pagsingaw asin panaka-nakang pag-abo.
Nakaabot ini sa timog-kanlurang direksiyon. Apwera digde, nakapagrehistro man nin 13 volcanic earthquake kabali an 2 volcanic tremors na naghaloy nin 9 hasta 23 minuto. Nagtitinir pa man an pamamaga kan bulkan.
Katakod kaini, padagos na pig abisuhan an mga residente na harani sa bulkan sa Negros Island na magin alerto siringman an pag ebakwar sa mga yaon sa 6-kilometer radius gikan sa tuktok kan bulkan asin ipinagbabawal an pagpapalupad nin mga lunadang panghimpapawid sa tuktok kan bulkan huli pa sa huma kan biglaang pagsabog kan bulkan, pagbuga nin lava asin iba pa.
