Nanutaran an tolong barko kan China Coast Guard harani sa El Nido, Palawan.
Basado sa monitoring ni US maritime security expert Ray Powell, nasa 35 nautical miles o 65 kilometers an distansiya kan mga barko kan China gikan sa El Nido na iniladawan kaining nakakahadit asin pagpapahiling nin pwersa sa tahaw kan padagos na pagduduon kan China sa claims kaini sa teritoryo kan Pilipinas.
Sigun ki Powell, naggikan an mga barko kan China sa Scarborough shoal saka nagbaba pasiring sa El Nido kan Dominggo nin pagkaaga tanganing magsagibo nin “intrusive patrol”.
An pinakabagong presensiya na ini kan mga barko kan CCG an saron semana sana makalihis manutaran an sarong sa pinakadakulang Chinese research vessel na Lan Hai 101 harani man sa Palawan, alagad maski sigun sa Philippine Navy, nagsunod sa protocol an barko nin huli ta kaipohan kaining malikayan an maraot na kamogtakan kan panahon.
