NAGA CITY– Arestado an tolo katao makalihis madakupan nin iligal na droga sa laog mismo kan sarong ospital sa Barangay Francia, Iriga City.
Binisto an mga suspek na sinda Jose Sumayao, 45; Melinda Sumayao, 39 asin Bernard Botor, 23-anyos.
Sa nakuang impormasyon kan Bombo Radyo Naga, napag-araman na mantang naglilibot ang mga security guard sa bilog na ospital kan marisa kan mga ini an sarong sadit na sachet kan pigtutubudang shabu na nakaipit sa kopya kan mga suspek na nagin dalan para mag-apod an mga ini nin pulis.
Narekober sa mga suspek an tolong sachet kan pigtutubudang shabu asin mga drug paraphernalia.
Sa ngunian, nagtitinir na sa kustodiya kan mga otoridad an mga suspek mantang naka hospital arrest naman si Jose Sumayao.
