NAGA CITY- Sugatan ang tatlo katao matapos bumangga isang AUV sa truck sa Brgy. Matlandungan, Calauag Quezon.
Kinilala ang drayber ng AUV na si Jennelyn Merenguer at ang dalawa pa nitong pasahero na sila Eviar Laurio at Juliet Coronado.
Sa naging panayam ng Bombo Radyo Naga kay PMaj. Jaytee Tiongco hepe ng Calauag PNP, sinasabing nawalan umano ng kontrol ang nasabing AUV na naging dahilan para tumama ito sa likurang bahagi ng truck habang nakaparada umano ito sa tabi ng kalsada.
Agad naman umanong isinugod sa ospital ang mga lulan mg AUV na nagtamo ng sugat sa iba’t ibang parte ng kanilang katawan.
Samantala, pinili na lamang umano magsettle ang dalawang panig hinggil sa naturang pangyayari.
