NAGA CITY– Irido an tolong persona makalihis maaksidente an sarong motorsiklo sa kalabaan kan Maharlika Highway sa Barangay Tara, Sipocot, Camarines Sur.
Binisto an mga nalugadan na sinda Raffy Dayap, 23 anyos, driver kan motorsiklo, backrider kaini na si Carla Robles, 24 anyos asin an nabanggaan kaining si Salvador Cesar Camba, 45 anyos.
Sa nagunong impormasyon kan Bombo Radyo Naga napag aramang binabagtas ni Dayap lunad nin motorsiklo asin kan backrider kaini an kalabaan kan nasambitan ng tinampo kan mawaran ini nin kontrol asin aksidenteng mabanggaan an residente na naglalakaw sana sa gilid kan tinampo.
Huli digdi, nagsapo nin lugad sa manlaenlaeng parte kan saiyang lawas an mga persona na tulos idinalagan sa ospital.
Sa ngunian, nagpapadagos pa an imbestigasyon kan mga otoridad sa nasambitan ng insidente.
