Photo © web

Aram baya nindo mga ka-bombo, natuklasan kan mga archaeologist an sarong 3,500-anyos na siyudad sa Peru na pinagtutubodan nagsirbing sentro kan kalakalan kan kultura sa pacific coast, bundok kan Andes, asin kagubatan kan Amazon.

An sinaunang siyudad, an pig-apod na Peñico, manunutaran sa probinsiya kan Barraca sa hilagang Peru asin pigtindog sa tahaw kan 1,800 asin 1,500 BC.

Itinindog ini sa burol na igwang langkaw na 600 metro asin tampok digde an bilog na estruktura, mga establisyementong gapo asin dalnak, magin an mga ceremonial na templo.

Sigun ki archaeologist Ruth Shady, an Peñico an importante huli man ta ini an naglitaw makalihis an pagbagsak kan Caral civilization, an pinakagurang na kabihasnan sa Amerika na nag-iral na 5,000 taon na an nakakalihis.

Advertisement

Dugang pa kan siyentipiko na an siyudad an nasa estratehikong lokasyon na nagsirbing dalan kan ribayan kan kalakal asin kultura.

Pigbuyagyag pa ni archaeologist Marco Machacuay kan Ministry of Culture na an Peñico an pwedeng nagpadagos pa nin Kulturang Caral na karaniwang mahihiling sana sa Egypt, India, Sumeria asin China.

Sa walong taon na pag-aadal, natuklasan kan mga eksperto an 18 estruktura kaibahan an mga istaran asin ceremonial temples.

Kaibahan pa sa mga nanutaran iyo an mga ladawan kan estruktura, clay figures, seremonyal na kagamitan, asin mga kulintas na gibo sa butil asin kabibe.

Saro man sa mga tampok kan lugar iyo an mga ukit kan patutu, sarong trumpeta gikan sa kabibe na piggagamit sa mga ritwal.

Napag-araman na an Peru an istaran kan kadakol na sinaunang kabihasnan, kaibahan an Inca asin an misteryosong Nazca Lines, na nagpapahiling kan mayayamang kasaysayan kan nasyon sa Nazca Lines, na nagpapahiling kan mayamang historya kan nasyon sa archaeology.

Advertisement