NAGA CITY – Nabenepisyaran kan kasalang bayan sa banwaan kan Magarao, Camarines Sur an nasa 36 na couples.
Sa entrevista kan Bombo Radyo Naga ki Raymond Rosales, sarong benepisyaryo kan programa, sinaysay kaini na ngunyan sana ninda napag-isipan an importansya kan pagpapakasal sa laog kan haros 23 na taon nindang pag-iibahan na mag-agom.
Sigun ki Rosales, sa apat nindang aki, kaipohan na maray an saindang marriage certificate.
Katakod kaini, labi man an pasasalamat ni Rosales sa siring na programa kan LGU-Magarao tanganing matawan sinda nin pagkakataon na maikasal.
Sa ngunyan, pig-enkaminar na sana ni Rosales sa mga couples na dae pa kasal na enkaso igwa kan siring na oportunidad, magpakasal na asin dae na paghalaton an haloy na panahon.
