Pigsaysay kan civil defense sa Gaza na an serye kan ginibong pag-atake kan Israeli an nagin rason sa kagadanan kan nasa haros 37 katawo.
Nangyari an pag-atake sa lugar para sa displaced civilians kun saen padagos an ginigibong opensiba kan Israel sa Palestinian territory.
Sigun sa Israeli military nagkaigwa na nin internal deliberations dapit sa insidente.
Pigsaysay man ni Civil defense spokesman Mahmud Bassal, duwang Israeli missiles an nagtama sa duwang tents sa Al-Mawasi area kan southern city kan Khan Yunis, na nagresulta sa haros 16 na pagkagadan kan mga indibidwal kabali na digde an mga kaakian asin kababaehan siringman pagkalugad kan nasa 23 na katawo.
Istorya man kan mga nakasalbar sa insidente, dakulang pagsabog an nagbungkaras na nagin rason sa pagliyab kan nagkapirang tents.
Marurumduman, puon kan ideklarar kan Israel an Al-Mawasi komo safe zone kan December 2023, rinibong mga Palestinians an nagpasiring digde tanganing magin salbado sa padagos na pag-atake kan Israel.
