NAGA CITY- Gadan an apat katao makalihis pauranan nin bala sa Sitio Pocuaria, Zone-1 Bgy. Fabrica, Bula, Camarines Sur.
Binisto an mga biktima na sinda Orlando Baladad, agom kaining si Chuchi Baladad, Rodelio Pagtolon-an asin Nathaniel Pagtolon-an.
Sa nakuang impormasyon kan Bombo Radyo Naga hale sa Camarines Sur Police Provincial Office (CSPPO), pasado alas 8:20 kasubanggi, mantang nag-iinuman an mga biktima kan mag-abot an duwang armadong lalaki.
Pinagbabadil kan mga ini an mga biktima na tulos man na idinalagan sa ospital alagad idineklarar nang dead on arrival kan mga doktor makalihis masapo nin malalang mga tama sa lawas.
Narekober sa lugar kan pinangyarihan an 32 pidaso nin basyo kan bala hale sa Caliber .45 asin 9mm pistol.
Mientrastanto, saro sa pighihiling na motibo sa pambabadil an iwal sa negosyo.
Sa ngonian, nagpapadagos pa an imbestigasyon kan mga otoridad mantang pinaghahanap naman an mga suspek na tulos nagdurulag makalihis an nasambitan ng krimen.
