Nagbukas nin pirang gate an apat na dam sa Luzon kasuodma, Hulyo 27 tanganing magpakawara nin tubig dara kan padagos na pag-uran dara kan Southwest Monsoon o Habagat.
Sigun sa state weather bureua kaibahan digde an Ipo Dam sa Norzagaray, Bulacan na sarong gate an binukasan asin nagpakawara nin kabilogang 33 cubic meters per second (cms) na tubig kun saen nag-abot ini sa 100.41 metro an langkaw, harani sa spilling level kaining 101. 10 metro.
Nagbukas man nin duwang gate an Ambuklao Dam sa Benguet asin nagpakawara nin hasta 191.20 cms.
Siring man an Binga Dam, na ansa parehong probinsiya, igwang dugwang man na binukasan asin nagpakawara nin hasta 211.51 cms.
Basado sa report kan weather bureau, haros maabot na nin duwang dam an kani-kaniyang normal high water level (NHWL).
Mientrastanto an Magat Dam, an igwang duwang gate na binukasan asin nagpakawara nin 656.39 cms kun saen igwang water level na 185.84 metro, harani sa NHWL na 190 metro.
Nagpatanid man an Philippine Atmospheric, Geophysical and Astronomical Services Administration (PAGASA) na magpapadagos an Southwest Monsoon na madara nin pag-uran sa mga rehiyon siring kan Ilocos Region, Central Luzon, Metro Manila, Cordillera, Cagayan Valley, CALABARZON, asin MIMAROPA.
