Pigbisto kan Baguio City Police an apat na kadete kan Philippine Military Academy (PMA) na imbwelto soboot sa sarong kaso kan hazing na naganap sa laog kan academy.
Sigun sa sarong report, duwa sa mga suspek an 4th Class Cadets, mantang an duwa pa an gikan sa 1st Class asin 2nd Class.
Basado sa imbestigasyon, an biktima, sarong 4th Class Cadet na soboot naka-eksperyensiya nik “physical abuse asin humiliation” puon Setyembre 2 hasta Setyembre 29, 2024.
Pigladawan pa kan pulisya an mga insidente komo bako sanang sarong beses pangyayari kundi pauro-utro na ginibo sa laog kan barracks, kaibahan an suntok asin labi na padusa, na nagin rason kan pag-collapse kan biktima huli sa sobrang kapagalan.
Kan nakalihis na Setyembre 29, kan nakalihis na taon, makalihis soboot magresebir nin makukusog na suntok an biktima, dikitan ining mawaran nin pagmangno na tulos man na dinara sa sarong ospital sa Quezon City para sa medical asin psychological treatment.
Napag-araman manbna naibalyo an biktimang kadete sa PMA Station Hospital asin na-discharge man kan nakalihis na Hunyo 30, 2025.
Sa ngunyan, mayo pang pahayag an AFP asin PMA katakod sa nangyaring insidente.
