NAGA CITY- Salbado na an kamugtakan kan haros 40 pasahero makalihis na magtagilid an saindang piglulunadang pampasaherong bus sa Presentacion, Camarines Sur.
Sa entrevista kan Bombo Radyo Naga ki PS/Insp Leonido Belleza, hepe kan PNP Presentacion, sinaysay kaini na aksidenteng nahulog sa gilid kan tinampo sa barangay Cagnipa sa nasambitang banwaan an hurihang rida kan pampasaherong Raymond Bus.
Dara naman kan namateang labing pag-uuran sa Camarines Sur kan nakalihis na mga aldaw, mahalnas suboot an tinampo sa nasambitang lugar asin malumoy man an daga kaya nagtagilid an bus.
Tulos man na nagresponde an mga kapulisan asin pigdara an haros 40 mga pasahero sa kasentrohan kan banwaan nin Presentacion.
