NAGA CITY- Naarestrar kan Police Regional Office Bicol an nasa 400 na wanted persons sa Rehiyon sa pigkundusir na intensified manhunt operations kan nakalihis na September.
Sigun ki PRO-5 director Brig. Gen. Nestor Babagay Jr. sa nasambitan ng operasyon, 10 digde an Regional Most Wanted Persons, 34 an nakalista sa provincial level, siyam sa city level, 62 sa municipal level, asin 285 an igwang kategorya komo “other wanted criminals.”
Katakod kaini, an probinsiya kan Camarines Sur an nakapagrehistro nin nasa 86 naarestrar, pigsundan kan Albay a 64, Masbate na 50, Camarines Norte an igwang 38, Sorsogon na igwang 27, Naga City na igwang 13 asin Catanduanes na igwang pito.
Mientrastanto, pig-omaw man ni Babagay an paglalapigot kan mga kapulisan sa Rehiyon para sa saindang mayong kapagalagan na paghabol sa mga wanted criminals sa paagi kan mas pinahigot na intelligence operations, maximum police visibility asin community support.
Sa ngunyan, pigsierto na sana kan opisyal na padagos an saindang pigkukundusir na mga operasyon sa paagi kan pakikipag-koordinar sa mga ahensiya tanganing mamantinir an paz y orden sa Bicol Region.
