NAGA CITY- Nadugangan pa nin 19 mga arrest warrant an pigserbe laban sa dating konsehal sa Camarines Sur asin sa esposa kaini na nahahampang sa kasong syndicated estafa.
Sa entrevista kan Bombo Radyo Naga ki PC/Insp. Ronnie Fabia, head kan Criminal Investigation and Detection Group (CIDG) Camarines Sur, sinaysay kaini na nadugangan pa nin 19 mga arrest warrant an naenot ng 47 mga arrest warrant na pigserbe laban sa mag-agom na Nestor asin Maria Joy Avenido.
Ipinaluwas suboot an nasambitang dugang na arrest warrant kan tolo pang mga korte sa probinsya nin Camarines Sur.
Enot pa kaini, nagpasiring na sa Regional Trial Court Branch 31 an mag-agom na Avenido kan Abril 19 para sa return of warrant asin presente an mga ining nakakarsel sa Tinangis Penal Farm.
Nahahampang an mag-agom na Avenido sa suruon-suon na kasong estafa asin syndicated estafa.
