Na-monitor kan Armed Forces of the Philippines (AFP) an 48 Chinese Vessels sa apat na maritime features sa West Philippine Sea sa nakalihis na semana.
Sigun ki Philippine Navy Spokesperson for West Philippine Sea Rear Admiral Roy Vincent Trinidad, igwang 10 People’s Liberation Army Navy Ships asin 11 Chinese Coast Guard an namataan sa Bajo de Masinloc.
Mientrastanto, sa Ayungin Shoal nasa kabilogang 12 na CCGs man an nanutaran. Nasa kabilogang walo man an nanutaran sa Escoda Shoal kun saen tolo digde an PLA Navy asin lima digde an Chinese Coast Guard.
Asin sa Pagasa, duwang PLA Navy asin limang Chinese Coast Guard na igwang total na pito na Chinese vessels.
Mientrastanto, sa record kan AFP sa bilog na bulan kan Enero, nag-abot sa labi 19,000 na barko an na-monitor na nag-agi sa maritime domain kan Pilipinas, kun saen labi 16,000 iyo an mga foreign vessels asin haros 3,000 an domestic vessels.
Pigsierto man kan hukbong sandatahan an padagos na pagbabantay kaini sa pambansang teritoryo asin soberanya kan nasyon alinsunod sa international law asin sa obhetong mamantinir an katoninongan asin katatagan sa rehiyon.
