Pigbubusol ni Trabaho Partylist Rep. Johanne Bautista an 5-aldaw na calamity leave na igwang “full pay” o bilog na bayad sa mga kwalipikadong empleyado kan gobyerno asin pribadong sektor na direktang apektado kan kalamidad.

Nakapalaog ini sa House Bill 4434 o an prosupwesto “Calamity Leave Act” na pigsunad ni Bautista na obhetong matabangan makabuhat an mga biktima kan kalamidad kun saen sierto na igwa pa man sindang makukuang sweldo maski dae maglaog sa trabaho.

Sigun sa prosupwesto ni Bautista, kabali sa mga rason para sa calamity leave an minasunod:

  • Amay na pagpapakarhay asin paglilinig kan apektadong harong o pagsadiri;
  • Pagka-stranded sa lugar na piglamasa kan kalamidad, o kawaraan nin available na transportasyon;
  • Nalugadan o nagkahelang huli sa kalamidad;
  • Pagtabang sa kamag-anak na biktima kan kalamidad; asin
  • iba pang kaako-ako na rason na tutukduon kan employer.
Advertisement