Pirang mga bagyo pa an nagbabanta an piglalaoman sa paglaog sa Philippine Area of Responsibility (PAR) ngunyan na ‘ber’ months.
Sigun sa state weather bureau, nasa 9 na bagyo pa an pigbabantay na palaog sa nasyon antes matapos an taon.
Katakod kaini an La Niña Alert na piganunsiyar kan state weather bureau kun saen piglalaoman an 70% o mas higot pa an posibilidad an pag bilog kan La Niña ngunyan na bulan kan Oktubre hasta Disyembre asin pwedeng magdagos-dagos hasta Pebrero 2026.
Sigun sa Deputy Administrator kan state weather bureau na si Marcelino Villafuertee, an posibleng ika-16 na nabilog na bagyo aapudon na “Paolo” asin mapakol pa sa 5 hasta 9 pa na tropical cyclone an maglaog sa PAR hasta sa magtapos an taong 2025.
Mientrastanto dae naman piglalaoman na mas marikas kumpara sa mga naenot an mga papaabot na bagyo mantang pinagpepreparar pa man ninda an paglaog kaini tanganing malikayan an mas dakulang epekto na maikakawsa kaini.
Mantang, pigaabisuhan man ni Villafuerte an publiko na permi magin preparado partikularmenta na sa Visayas asin Mindanao huli ta ini an minsan pigtatamaan kan mga piglalaoman na bagyo.
