NAGA CITY- Maabot sa 50 drug surrenderees an mga bagong rescuers kan probinsya nin Quezon makalihis na makatapos sa training program kan Quezon Police Proviancial Office asin kan DSWD.
An nasambitang training program an kinababalehan kan 48 lalaki asin duwang babaeng drug surrenderees na nagpoon kan Hunyo 1.
Kaibanan sa mga napag-agihan kan nasambitang mga trainees an Disaster Preparedness and Management Training sa tabang kan Provincial Disaster Risk Reduction and Management Office (PDRRMO), Bureau of Fire Protection (BFP) asin nagkapira pang ahensya kan gobyerno.
Sigon ki PS/Supt. Roderick Armamento, Provincial Director kan QPPO, makakatabang na kan mga kapulisan an nasambitang mga bagong rescuers sa manlaen laeng programa urog na sa nagpapadagos na kampanya laban sa iligal na droga.
