Mapakol sa 50 katao, kabali na an 33 mga aki, an binawian nin buhay makalihis atakihon kan drone an sarong kindergarten sa banwaan kan Kalogi, sigun sa Sudan Doctors’ Network asin sa Sudanese military.
Pigreport na an paramilitary group na Rapid Support Forces (RSF) an haloy nang nakikipaglaban sa gobyerno, mantang inakusaran man kan gobyerno an RSF sa mga pag-atake.
Siringpaman, pighurot kan RSF na an militar soboot an nasa likod kan drone strike sa sarong merkado sa Darfur, na tumama man sa fuel depot sa Adre border sa Chad.
Napagaraman na magpuon Abril 2023, nag init na an sigalot sa pag-ultanan kan RSF asin mga tropa kan Sudan makalihis an iriwal sa kapangyarihan sa gobyerno, na nagkawsa kan padagos na civil war sa nasyon.
Sigun sa army-aligned foreign ministry, duwang beses tinamaan kan drone missile an kindergarten, pati na an mga sibilyan asin medical team na nagresponde sana sa lugar.
Huli sa insidente, kinondena kan UNICEF an pangyayari asin inapod ining “horrific violation of children’s rights,” asin nangapudan sa gabos kan partido na iuntok an siring man na pag-atake asin tugutang makaabot an tabang sa mga nangangaipuhan.
