Nagsalang bilang saksi kan prosecution sa ika-30 aldaw kan impeachment trial ni Bise Presidente Sara Duterte si Police Major Joericson Sangalang hale sa PNP Firearms and Explosives Office.
Ibinuyagyag ni Sangalang na igwa an bise presidente nin 22 armas, kaiba an sarong class-A light weapon na kayang magpaluwas nin burst of fire, mantang an saiyang agom na si Mans Carpio igwa man nin 29 na armas na kabali an sarong class-A light firearm asin sarong may pasong lisensya.
Segun sa panel kan prosecution, gagamiton an testimonya tanganing patunayan na igwa an mag-agom nin labi sa 50 armas na nagkakantidad nin dae mababa sa P7 milyon na kuta dapat idineklara nin suway bilang personal na rogaring sa saiyang Statement of Assets, Liabilities, and Net Worth (SALN).
Kinuwestiyon kan nagkapirang Senator-Judge an koneksyon kan nasabing ebidensya sa kaso, alagad iginiit kan prosecution na importante na ideklara an lambang rehistradong armas sa SALN.
Pinatugutan ni Presiding Officer Chiz Escudero an pagpadagos kan testimonya alagad inatasan an prosecution na halipoton an proseso matapos sabihon na dae gayong angkop an saksi sa isyu kan dae maipaliwanag na kayamanan.
