Nairehistro an sarong makusog na linog na may magnitude na 6.8 an nag tama sa katimugang parte kan New Zealand kan nakalihis na aldaw nin Martes (local time), sigun pa sa United States Geological Survey (USGS).
Enot na nairehistro an linog komo 7.0 magnitude, bandang 2:43 PM (0143 GMT) sa rarom na 10 kilometro.
Mantang an sentro man kan linig iyo an nasa 160 kilometro gikan man sa mainland kaini, alagad mayo pang naireport na danyos o casualties an dara kan nasambitan ng linog.
Susog man sa Pacific Tsunami Warning Center sa Honolulu, mayo nin tsunami warning an nangyari makalihis an linog.
Presenteng pigmomonitor kan emergency management kan New Zealand kun an lindol an nagkawsa nin tsunami na posibleng maka-apektar sa nasyon.
Sigun sa saindang national advisory, kun may tsunami man na nabilog, piglalaoman ining maka abot sa New Zealand sa laog sana kan sarong oras o labi pa.
Napagaraman na an New Zealand an nasa hangganan kan duwang darakulang tectonic plates asin man haros pirmeng pig tatamaan nin mga saradit na linog taon-taon.
Huring nairehistro an pinakamakusog na linog sa nasyon kan nakalihis na taong 2011 na nag abot sa 6.3 magnitude na nagwasak man nin darakulang parte kan Christchurch asin nagresulta sa pagkagadan kan 185 katao.
Sa ngunyan, padagos pa na pig momonitor kan mga awtoridad an nasambitan ng sitwasyon.
