Anom an binawian nin buhaybsa sarong insidente kan pambabadil sa sarong merkado sa Bangkok, Thailand kasuodma, Hulyo 28 sigun sa pahayag kan Thai Police.
Kaibahan sa mga nagadan iyo an suspek na nambaril asin kalaunanay nagpagadan.Sigun ki Charin Gopatta, Deputy Commissioner kan Metropolitan Police Bureau, lima sa mga nagadan iyo an mga security guard sa nasambitan ng merkado.
Sa sarong suhay na pahayag, sinaysay kan pulisya na inaaram pa an pagkakakilanlan kan suspek asin an motibo sa krimen.Sigun ki Sanong Saengmani, kan Bang Sue district, mayong nakulogan o nagadan na turista sa insidente.
Bistado an nasambitan ng merkado sa pagpapabakal kan mga produktong agrikultural.
An turismo an importanteng parte kan ekonomiya kan Thailand, kaya an mga siring na insidente an pwedeng makaapektar sa kumpiyansa kan mga turista asin mamumuhunan.
Sa video na ipigheras kan mga otoridad, mahihiling an suspek na igwang sulot na puting kopya asin backpack mantang naglalakaw sa sarong paradahan sa merkado.
Dae na bago sa Thailand an mga kaso kan kadahasang igwang kinaaraman sa badil.
Kan nakalihis na Oktubre 2023, sarong 14-anyos an nambadil gamit an improvised na badil sa sarong mall, na nagresulta sa pagkagadan kan duwang tawo.
Kan nakalihis na taon, sarong dating pulis man an nakagadan nin 36 na katawo, kaibahan an 22 na kaakian, sa sarong nursery sa silangang parte kan nasyon.
