Inihayag kan militar kan Israel na ipapaapod kaini an poco mas o menos 60,000 reservists komo preparasyon sa planong opensiba tangani sakupon asin man kontrolon an bilog na Gaza City.
Sigun sa sarong opisyal ng militar, masumiter nin report an mga reservist sa saindang tungkulin sa Setyembre, asin man kadaklan sa mga tropang maatendir sa opensiba an aktibong miyembro kan sandatahang lakas.
Dagdag pa ninda, an mga sundalo an presenteng nagsasagibo na nin operasyon sa mga lugar kan Zeitoun asin Jabalia bilang komo preparasyon sa plano na inaprubaran ni Defense Minister Israel Katz, asin nilalaomang iaatubang sa security cabinet sa mga masunod na aldaw.
Nilalaoman man na hundred thousand na Palestinian sa Gaza City an iibakwar pasiringsa mga kanlungan sa katimugang parte kan Gaza.
Kadakol na kaalyado kan Israel an mahigot na tumutol sa plano, mantang an UN asin man iba pang mga non-governmental organization an nagpatanid na an saro na namang opensiba asin mahewasang sapiritang pag ebakwar an makawsa nin “karumaldumal na epekto sa makataong kalagayan” makalihis an 22 bulang gyera.
Ipinahayag kan gobyerno kan Israel an obheto kaining sakupon an bilog Gaza Strip makalihis mabigo an bakong direktang negosasyon sa Hamas dapit sa sarong ceasefire asin man kasunduan sa pagpapalaya kan mga bihag kan nakalihis na bulan.
Presenteng pigpoporbaran kan mga tagapamagitan sa rehiyon na makua an kasunduan antes an pagpuon kan opensiba, asin man naglatag nin bagong propwesto para sa 60-aldaw na tigil-putukan asin pagpapalaya kan poco mas o menos kabanga kan 50 bihag na nagtitinir pa man sa Gaza.
Dae pa nagluluwas nin opisyal na simbag an Israel, alagad pighurot kan mga opisyal kan Israel na dae na sinda maako nin bahagyang kasunduan, asin nangapudan nin sarong komprehensibong kasunduan na maresulta sa pagpapalaya lan gabos nin bihag.
