Pigbusol na kan Department of Justice (DOJ) sa korte an 62 counts nin money laundering kontra ki dating Bamban, Tarlac Mayor Alice Guo asin iba pa.
Sigun sa Presidential Anti-Organized Crime Commission (PAOCC) kan nakalihis na aldaw nin Biyernes, sigun sa PAOCC an kaso ni Guo ay pigsunad sa Capas, Tarlac Regional Trial Court (RTC).
Kinababalihan ini kan pagbalgar sa Section 4 (a), o pag-transact sa paggamit nin kwarta sa iligal na aktibidad; 5 counts sa section (b) o sa “converts, transfers, disposes of, acquires posseses or uses such monetary instrument and properties” asin man an 31 counts sa section 4 (d) katakod sa pagporbar o pagsasabwatan na gibuhon an money laundering, na pawang sa irarom kan Anti-Money Laundering Law.
Marurumduman kan nakalihis na semana man kan magsunad si Guo nin magkakasuhay na counter-affidavit sa tax evasion, falsification, asin graft complaints na pigsunad laban sa saiya sa DOJ.
Nakapiit si Guo sa Pasig City Jail huli sa kinakaatubang na qualified trafficking case sa Pasig court, graft case sa Valenzuela court, asin man an sarong material misrepresentation case sa Tarlac court.
Sarong quo warranto petition man an pigsunad ki Guo sa korte kan Maynila, siringpaman an petisyon tangani kanselaron an saiyang birth certificate sa korte kan Tarlac.
