65 Overseas Filipino Workers (OFWs) asin tolong aki na stranded sa Dubai ligtas nang nakauli sa Pilipinas.
Emirates Airlines flight EK 334 naghugpa sa Ninony Aquino International Airport (NAIA) Terminal 3 sa Pasay City.
Pinangenotan kan Department of Migrant Workers (DMW) an pag-ako kan mga repatriates na stranded huli sa nagpapadagos na tensyon sa Middle East.
Mientrastanto, nakisumaro man an Overseas Workers Welfare Administration (OWWA), Department of Social Welfare and Development (DSWD), asin iba pang ahensya kan gobyerno sa pag-welcome sa mga OFWs.
An mga nag-uuli na OFW tulos na tinawan nin tabang arog kan tabang pinansyal asin transportasyon para sa saindang pag-uli sa saindang mga probinsya, temporaryong istaran, asin psychosocial asin medical assistance.
