Hiro protesta an ginigibo sa Bonifacio Plaza sa Manila kasabay kan pagrumdom ngunyan na aldaw kan International Women’s Day.
Nagpoon an programa antes mag-alas nuwebe nin aga kun saen nagmartsa an manlaen-laen na grupo nin mga kababaihan antes magtiripon sa Plaza.
Segun sa grupong Gabriela na nangenot sa nasabing pagtiripon, katuyuhan kaini na midbidon an mga kababaihan hale sa manlaen-laen na parte kan nasyon asin an saindang padagos na pakikipaglaban para sa pagkapantay-pantay.
Nangapudan man sinda sa mga kababaihan na makisumaro sa saindang kawsa mantang an saindang mga diskurso tinatawan man nin atensyon an mga presenteng isyu arog kan korapsyon asin naglalangkaw na presyo huli sa nagpapadagos na tensyon sa Middle East.
Mientrastanto, kabale sa mga pigkakanta sa aksyon protesta ngonian na aldaw iyo an pagkondenar sa pambobomba kan Estados Unidos sa Iran asin an krisis na dara kaini.
Tinatsaran man kan grupo an pakikipagtabangan kan gobyerno kan Pilipinas sa Amerika asin an soboot paggamit nin mga pasilidad militar.
Sigun sa Manila Police District an crowd estimate sa ngonian nasa 360 digdi sa Bonifacio Plaza.
