NAGA CITY – Kanselado an byahe kan haros 70 pasahero asin kan mga lunadang pandagat sa Pasacao Port huli ta makusog an alon sa kadagatan.
Ini an sinaysay ni Ens. Bernardo Pagador Jr., station commander kan Philippine Coast Guard (PCG) -Camarines Sur sa entrebista kan Bombo Radyo Naga.
Sigun ki Pagador, 74 mga pasahero an saindang natalaan na-stranded sa Pasacao Port poon pa alas-5:30 kasuogma huli ta dae na nagpalawod an mga lunadang pandagat huli sa makusog na alon asin duros na epekto suboot kan tropical depression Josie sa habagat.
Hale pa suboot sa Metro Manila an mga na-stranded na pasahero na paduaman kudta na sa isla kan Masbate.
Apwera sa Pasacao Port, mahigot man an ginigibong monitoring asin pagbantay kan PCG-Camarines Sur sa Guijalo Port sa Caramoan tanganing masiyero na mayong mga parasira igdi an mapirit na magpalawod ngunyan na maraot an kamugtakan kan panahon na namamate sa probinsiya.
