Gadan an sarong 8-anyos na estudyanteng babae makalihis ining saksaon kan saiyang paratukdo sa elementary school sa Daejeon, South Korea.
Nadukayan an mayo ng buhay na lawas kan estudyante sa storage room kan audio-visual room kan nasambitan ng eskwelahan sa Gwanjeo-dong sa Seo-gu, Daejeon.
Igwang saksak an aki sa saiyang abaga, lalawgon mantang naabutan man an paratukdo na igwang saksak sa saiyang kamot asin magkaibong na gilid kan liog.
Parehas na dinara sa ospital an paratukdo asin estudyante alagad pigdeklarar na mayo na nin buhay an aki.
An estudyante an nasa ekwelahan para sa ‘caregiving class’ hasta 4:40 nin hapon asin piglalaoman na nasa art academy nin alas-5 nin hapon alagad nahadit an siayang magurang kan mayo pa an aki pasado alas 5:18 nin hapon.
Digde na nag-apod nin pulis an mga magurang na tolos man nagresponde.
Napag-araman na an paratukdo an kakabalik pa sana sa nasambitan ng eskwelahan kan nakalihis na Disyembre 2024 makalihis na mag-leave sa trabaho.
Sa ngunyan, pig-ako man kan paratukdo na ini an naggadan sa aki asin nagsasapo sa helang na depression.
