8 kataong nadakop sa PDEA buy bust sa Naga City, nagpositibo sa Drug test
NAGA CITY – Positibo soboot sa paggamit nin pigpapangalad na bulong an walo kataong nadakop kan Philippine Drug Enforcement Agency (PDEA) Bicol sa ginibong buy-bust operation sa Barangay Sta. Cruz, syudad nin Naga.
Sa entrevista kan Bombo Radyo Naga ki Agent Relato kan PDEA-Bicol, sinaysay kaini na isinairarom sa drug test an walong mga suspetsado kabale na an incumbent Barangay Kagawad kan Bagumbayan Norte na si Romeo Caleñada asin gabos ini nagpositibo sa iligal na droga.
Sa ngunian, pighahalat na sana soboot kan PDEA-Bicol an commitment order gikan sa korte para pormal na mailipat sa Naga City District Jail an nasambitan ng mga suspek.
Kung marurumduman, nadakop an walong suspek sa sarong drug den sa nasambitan ng syudad kunsaen nakumpiskar an 50 gramo nin shabu na nagkakantidad nin P300,000.
