NAGA CITY– Viral ngunian sa social media an ladawan kan 9-month old baby na nakasalbar sa karambola kan limang lunadan sa banwaan kan Libmanan, Camarines Sur kan nakaaging aldaw.
Marurumduman na nagwalat nin tolo kataong gadan an nasambitan ng aksidente kunsaen kaibanan digdi an mga magurang kan aki mantang walo naman an iridu.
Nag-ani nin manlaen laen na reaksyon sa mga netizen an garo milagrong nagpatos sa umboy huli ta sa ibong kan haros pagkarunot kan saindang lunadan, maswerte pa man giraray ining nakasalbar.
Sa ngunian, nangapudan naman an pamilya kan nagadan kaining mga magurang nin tabang sa publiko urog pa ta breastmilk sana soboot an pigdududo kan umboy.
Kung marurumduman, mantang binabagtas kan Toyota Avanza na minamaneho kan ama kan aki na si Ronel Peña kaibanan an agom na si Susanne, Swiss National kan purbaran kaining mag-overtake sa sarong lunadan alagad nakabangga sa kasabatan na bus hasta sa nadamay an saro pang pampasaherong bus, kotse asin van.
