Pigsaro-saro ni Vice President Sara Duterte an mga motibo kan mga nasa likod kan pagsusunad nin panibagong impeachment kontra sa saiya.
Sigun ki VP Sara, malinaw na mawot pagtakupan kan administrasyon an mga pagkukulang kaini na nagigin rason kan paglugmok kan nasyon sa kapagteosan.
Pigtawan duon pa kan opisyal na nagkikita an mga lehislador sa saindang pagpirma sa impeachment complaint kontra sa saiya.
Dugana pa ni Duterte, an panibagong impeachment complaint kontra sa saiya na pigsunad kan grupong Akbayan an igwang kinaaraman sa planong pagdalagan ni Senadora Risa Hontiveros sa 2028 presidential race.
Ipinahiling pa ni VP Sara an video kan nagin patara-tara kaidto ni Hontiveros kun saen saiyang pig-ako na pigkokonsederar na magabat na kalaban sa eleksyon an Bise Presidente.
