NAGA CITY– Siniyerto ngunyan kan Philippine Army (PA) na igwa sindang pigsasagibong critical infrustructure project security information tanganing masiyerto an seguridad kan pigtutukdok na mga proyekto kan gobyerno.
Katakod ini suboot kan pirit na pagpapundo kan mga rebeldeng New People’s Army (NPA) sa nagkapirang proyekto kan National Irrigation Administration (NIA) sa probisya kan Camarines Norte.
Sa entrevista kan Bombo Radyo Naga ki Capt.Joash Pramis, Chief kan Division of Public Affairs Office (DPAO) kan 9th Infantry Division Philippine Army, sinaysay kaini na may pigsasagibo sinda nin mga security measures sa infrastructure projects.
Sigun ki Pramis, ini-evaluate ninda kun ano an prioridad sa pigsasagibong security operations sa mga proyekto kan gobyerno.
Dugang pa kan opisyal, importante man suboot an koordinasyon sa hultanan kan saindang command asin mga apektadong ahensya kan gobyerno.
