NAGA CITY- Excited na an ama kan saro sa Top 12 Finalist kan Bombo Music Festival 2019 sa Grand Performance night kaini saaga, Enero 12 sa Iloilo City.
Sa entrevista kan Bombo Radyo ki Jerson Guartero, sinaysay kaini na ‘very proud’ asin excited na siya na madalan an perfomance kan BMF Finalist asin kan saiyang aki na si Chairmaine Ocbeña Guartero-Garay saaga, sa gigibuhong performance night sa Rose Memorial Auditorium sa Central Philippine University.
Sigon ki Guartero, dakulang tabang sa saindang pamilya an pagkakabale ni Garay sa Top 12 Finalist kan Bombo Music Festival 2019 kan Bombo Radyo Philippines huli ta saro ining prestihiyosong songwriting competition sa nasyon.
Haloy na suboot na nagpapartisipar asin nanggagana sa mga songwriting competitions an saiyang aki kun kaya kumpyansa siya sa magigin performance ni Garay saaga.
Napag-araman na nakasabay kan mga New Directors hale sa Bombo Radyo Stations sa Luzon si Guartero sa flight pasiring sa Iloilo City sa Ninoy Aquino International Airport (NAIA).
Si Charmaine Ocbeña Guartero-Garay an nagsurat kan kantang ‘Sabi mo sa akin’ na saro sa mga madadalang performance saaga sa Grand Performance night kan Bombo Music Festival 2019 sa Rose Memorial Auditorium sa Central Philippine University sa Iloilo City.
