NAGA CITY – Nakapagrehistro nin duwang vehicular accident an banwaan nin Sagñay kasuudma mantang pangapudan man kan MDRRMO-Sagñay sa mga motorista na likayan mag-maneho orog na kun nasa impluwensiya nin arak.
Sigun ki Noli Pielago, pamayo kan Municipal Disaster Risk Reduction Management Office-Sagñay, kasuugma soboot nin alas-6 nin aga, Mayo 15, may pigrespondehan an saindang opisina nin aksidente sa Barangay San Roque.
Sa presente, sunod-sunod kaya soboot an piyestahan sa saindang banwaan siring kan sa Barangay Buracan, asin pinagtutubudan man kaini na nasa irarom nin impluwensiya nin arak an naaksidente sa Barangay San Roque.
Sa nangyari man na aksidente alas-10:45 nin aga, igwa pa nin kaibahang pasahero an naaksidenteng nagha-habal habal. Dugang pa kaini nadara naman sa ospital an mga biktima.
Sigun pa igdi, igwa man sinda nin mga nanotarang senyales na nasa impluwensiya nin arak an mga naimbwelto sa aksidente.
Igwa man sinda aru-aldaw puon aga hasta banggi nin mga net call, tanganing tolos sindang makapag responde enkaso kinakaipuhan.
Gabos man nin barangay konektado sainda asin maski anong oras pwedeng mag-apod sainda basta igwa nin nangyaring aksidente.
Dugang pa ni Pielago, igwa naman sinda nin mga naka-deploy na personahes enkaso igwa nin mangyaring aksidente.
